Vinnudagur

Síðastliðinn laugardag var haldinn vinnudagur á skotsvæðinu þar sem byrjað var að skipta um glugga í nýja félagsheimilinu og grind sett utan á húsið, en til stendur að einangra húsið betur og klæða það að utan í stíl við og skothúsið. Þá voru einnig settar upp þrjár varmadælur og rafvirkinn undirbjó það að tengja húsin við rafmagn. 10 sjálfboðaliðar mættu og skiluðu góðu dagsverki í rjómablíðu.