Nýlega fengum við fjárstyrki frá KG fiskverkun á Hellissandi, fiskverkuninni Valafell í Ólafsvík og Fiskmarkaði Íslands til áframhaldandi uppbyggingar á æfingasvæðinu.
Eins og flestum félagsmönnum er kunnugt er félagið alfarið rekið af sjálfboðaliðum og öll innkoma fer óskert í uppbygginu á æfingasvæðinu. Miklar og kostnaðarsamar framkvæmdir eru nú á æfingasvæðinu og eru þessir fjárstyrkir því kærkomnir. Við sendum þessum fyrirtækjum okkar bestu þakkir og sömuleiðis flutningafyrirtækinu Ragnar og Ásgeir ehf. sem hefur flutt allt efni fyrir okkur frítt.
