Stjórnarfundur

Síðastliðinn þriðjudag var haldinn stjórnarfundur í nýja skálanum okkar. Byrjað var á því að fara yfir Fossbúann PRS Pro Match mótið sem haldið var í síðasta mánuði og það mót var gert upp. Svo var farið yfir fjármál félagsins og fyrirhugaðar framkvæmdir. Rætt var um rafmagnsmál, varmadælur, viðhaldsframkvæmdir, frekari uppbyggingu, önnur mót, ljósleiðaravæðingu, skotprófin o.fl. Búið er að panta nýja glugga og hurð í skálann og næsta verkefni hjá okkur verður að skipta um alla glugga í skálanum og klæða hann að utan. Svo verður farið í frágangsvinnu og snyrta til fyrir veturinn. Svo er mögulega stórra tíðinda að vænta innan skamms.