Mikil ánægja með sjómannadagsmótið

Árlegt sjómannadagsmót Skotfélags Snæfellsness fór fram síðastliðinn fimmtudag í blíðskapar veðri. Það var aðeins gjóla þegar keppendur mættu á svæðið en þegar fyrsti riðill var að ljúka fyrsta hring gerði algjört logn.

Mikil gleði var í hópnum og allir komnir til að njóta, en leikar fóru þannig að landsliðið sigraði mótið í ár með yfirburðum. Í einstaklingskeppninni sigraði Unnsteinn Guðmundsson eftir bráðabana, en hann og Arnar Guðlaugsson sem endaði í öðru sæti voru jafnir í fyrsta sæti eftir venjulega keppni. Dagný Rut tók þriðja sætið. Að lokum var svo haldin grillveisla þar sem voru grillaðar pylsur og spjallað fram á kvöld.

Landsliðið 2026 (á myndina vantar Benedikt Hauk og Jón Pétur)