Skotfélag Snæfellsness 37 ára

Í dag fagnar Skotfélag Snæfellsness 37 ára starfsafmæli. Félagið er eitt elsta skotfélagið á Íslandi, en það var stofnað af skotáhugamönnum í Grundarfirði árið 1987. Í upphafi hét félagið "Skotgrund - skotveiðifélag Grundarfjarðar og nágrennis" en árið 2014 var nafni félagsins breytt í Skotfélag Snæfellsness og félagið hefur nú starfað undir því nafni í 10 ár.

Starfsemi félagsins hefur aldrei verið öflugri en einmitt nú og mikil uppbygging er hjá félaginu. Félagsmenn eru á öllum aldri en þeir eru 245 talsins og hafa aldrei verið fleiri. Það er margt spennandi framundan hjá félaginu s.s. nýtt félagshúsnæði o.fl. og við erum spennt fyrir komandi tímum.