Rifflar fyrir nýliða

Síðastliðinn mánudag fengum við í hús nýja riffla sem keyptir voru til þess að nota við þjálfun nýliða og önnur námskeið. Félagið hefur um árabil boðið upp á grunnnámskeið fyrir byrjendur og unglinga, haldið konukvöld, unglingakvöld og fleiri viðburði. Fljótlega verða auglýst námskeið þar sem áhugasömum býðst tækifæri til að kynna sér skotíþróttir og læra að skjóta í mark.

Markmið félagsins er að auka útbreiðslu skotíþrótta og bjóða upp á góða aðtöðu til skotæfinga þar sem allir fá að taka þátt. Með nýja búnaðinum getum við betur tekið á móti nýliðum og áhugasömu fólki. Það var verslunin Vesturröst sem útvegaði þennan flotta búnað og færum við þeim okkar bestu þakkir fyrir.