Ljósavélin okkar er aftur farin að snúast. Hún bilaði síðasta sumar og brugðum við á það ráð að kaupa aðra vél til þess að nota þar til að þessi kæmist aftur í lag.
Nú erum við búin að fá varahluti í vélina og Birgir Guðmunds og Steini gun eru búnir að taka hana í gegn frá a til ö. Henni verður fljótlega komið fyrir á æfingasvæðinu aftur því hún er mun einfaldari í notkun en vélin sem keypt var til bráðabirgða.
Við erum búin að vera að vinna í því frá árinu 2012 að fá rafmagn á æfingasvæðið en ekki haft erindi sem erfiði ennþá og því þurfum við að treysta á ljósavél sem orkugjafa. Við erum þó ekki búin að gefa upp alla von um að fá rafmagn því það er lykillinn að áframhaldandi uppbyggingu á æfingasvæðinu.
Comments