Hiti kominn á húsin

Síðstu daga hafa félagsmenn verið að vinna við að tengja nýju varmadælurnar sem félagið keypti. Nú er kominn hiti á nýja "Skálann" og einnig á skothúsið. Þetta er algjör bylting fyrir okkur að vera komin með rafmagn á skotsvæðið og geta verið með upphituð hús. Næsta verkefni er að aftengja ljósavélina og klára að tengja leirdúfuvöllinn við rafmagn. Það er ljóst að þessar breytingar munu lyfta starfsemi félagsins á hærra plan og lengja æfingatímabilið.