Gleðilegt nýtt ár

Um leið og við kveðjum gamla árið og þökkum ykkur öllum samfylgdina og samstarfið á nýliðnu ári, þá bjóðum við nýtt ár velkomið. Árið 2025 verður risastórt ár hjá Skotfélagi Snæfellsness, en um leið og frost fer úr jörðu þá hefjast framkvæmdir við vatnsveitu og þá fáum við rennandi vatn í fyrsta skipti á æfingasvæðið. Nýja félagsheimilið verður flutt inn á æfingasvæði í sumar og svo verður að nefna Evrópumótið í PRS sem haldið verður hjá okkur í ágúst í samstarfi við PRS Ísland. Við ætlum að vinna mikið í æfingasvæðinu fyrir þann tíma og gera það sem glæsilegast. Þá vantar bara rafmagn til þess að vera fyrsta flokks. Virkilega spennandi tímar framundan.