Framkvæmdahugleiðingar

Í gær hittist ný stjórn félagsins til að fara yfir málin og skipuleggja verkefni sumarsins. Farið var með nýju PRS þrautirnar og þeim var valinn staður. Ljósavélin var sett í gang og leirdúfukastvélarnar prófaðar eftir veturinn. Ákveðið var að panta loftaklæðningu í skothúsið og steypujárn fyrir útisvæðið. Fyrstu verkefni sumarsins verða steypuvinna úti og frágangur innanhúss í skothúsinu. Við munum auglýsa vinnudaga þegar framkvæmdir hefjast.